NORDÉS MAR ADIANTE

Este cóctel, que debe o seu nome á primeira novela publicada en lingua galega pola autora María Victoria Moreno, é a encarnación da personalidade marítima e a orixe atlántica de Nordés nun combinado. Os seus ingredientes e o seu sabor evócannos os sons, os recendos e as paisaxes da Galicia máis mariñeira.

INGREDIENTES
4cl Nordés
5 follas de menta
5 poliñas de salicornia
Zume de medio limón
Azucre moreno
Ginger Ale
Xenxibre raiado
5cl de viño albariño (opcional)

ELABORACIÓN E PRESENTACIÓN
Nunha cocteleira machucamos sen desfacer 5 follas de menta e 4 poliñas de salicornia sobre un fondo co zume de medio limón e 15 ml de azucre líquido.
Engadimos 4 cl de xenebra Nordés, enchemos con xeo e axitamos durante 10 segundos.
Servimos nun vaso tipo balón previamente decorado con azucre moreno no bordo e enchemos con Ginger Ale. Rematamos cunha pequena bágoa de xenxibre relado e removemos.
Decoramos cunha poliña de salicornia e carpaccio de uva albariño.
Se queremos sumar salinidade ao noso cóctel, reducimos á metade o zume de limón e, antes do Ginger Ale, engadimos 5 cl de viño albariño, que lle achegará un extra de aromaticidade.