Ponche Nordés: a nosa aposta para este Nadal

Xa case temos o Nadal aquí, e con el chegan os reencontros, as ceas familiares e as sobremesas máis especiais do ano.

Desde Nordés queremos dar a benvida a estas datas cunha reinterpretación dunha das bebidas tradicionais máis típicas destas festas, perfecta para compartir e brindar nas ceas: o ponche.

Esta receita do ponche de Nadal con Nordés, deseñada polo cocteleiro Mario Villalón, caracterízase polo uso de ingredientes naturais, entre os que destacan algúns dos botánicos máis frescos da nosa xenebra galega.

Este combinado rende homenaxe ás nosas raíces galegas e á base de uva albariño coa que se elabora a xenebra Nordés. Unha proposta moi especial que é sinxela de preparar na casa, perfecta para brindar cos nosos nestas datas tan sinaladas.

INGREDIENTESbotella_cuncas

35 cl de Nordés Gin

O zume de catro limas

1 l de infusión de té branco

Azucre moreno de cana ou estevia líquida

20 follas frescas de fiúncho

20 follas de menta

20 follas de sarxa

8 chouchas de xenxibre

12 uvas brancas

 

PREPARACIÓN

Nun cunco grande, servir 35 cl de Nordés, o zume de 4 limas, as follas de fiúncho, as de menta, as de sarxa, as uvas e o xenxibre, e esmagar todo cun morteiro. A continuación, engadir a infusión de té branco mesturada con 14 culleradiñas de azucre moreno ou con 55 pingas de estevia líquida. Por último, arrefriar na neveira polo menos dúas horas antes de servir.

 

GOZA COS TEUS

Para gozar dunha experiencia Nordés completa, aconsellamos servir o ponche nas cuncas de cerámica incluídas no pack de Nadal de Nordés, que están inspiradas nas cuncas tradicionais nas que se serve o viño albariño en Galicia. O pack estará dispoñible nas principais cadeas de alimentación ata fin de existencias.

Mantéñase informado de artigos como este e outras novas subscribindo aquí as novidades