Sabor único e diferente
Vermú fresco, suave e aromático coma o mítico vento nordés, que en Galicia anuncia o bo tempo.
Elaborado con uvas coidadosamente seleccionadas e aromas dos elementos botánicos de Nordés Gin, algúns de tradición galega.
Cor natural similar ao viño, o que lle outorga un sabor diferente ao tradicional.
Atlántico
As nosas receitas do vermú vermello Nordés e do vermú branco Nordés incorporan a maxia dos extractos botánicos de tradición galega de Nordés Gin, a salvia, o loureiro, o eucalipto, a salicornia, a menta e a herba luísa, amais doutros elementos botánicos que, fusionados, fan destas dúas propostas un deleite para os sentidos.
Un tesouro gastronómico e xenuinamente atlántico que creba cos convencionalismos do mundo do vermú.
Elaborado "Amodiño"
As nosas receitas elabóranse «amodiño», unha palabra que en Galicia significa feito con agarimo e con sentidiño, para ofrecer o mellor do Atlántico nun vermú distinto aos demais e co aval da máxima calidade, creado polo noso master blender Marcos Alguacil, gañador do premio ao mellor enólogo español de 2023 outorgado pola International Wine Challenge.
Nordés vermouth Rojo «Excepcional cor vermella picota. Único e diferente, con notas vínicas que se entrelazan con aromas cítricos e herbáceos. Un final extraordinariamente amable e lixeiramente amargo»
Nordés vermouth Blanco: «Atractiva cor amarela con reflexos verdosos. Con recordos herbáceos e salinos e lixeiros matices amargos e especiados. Un final suave e elegante»
Inspiración Artesanal
Un deseño único e visualmente impactante que se presenta nunha botella branca e estilizada inspirada na cerámica tradicional de Sargadelos. Novos sabores que trae o vento nordés, o mítico vento que en Galicia anuncia o bo tempo.
