Pese a ser o mes máis curto do ano, febreiro fíxosenos longo agardando a chegada do Entroido, o carnaval galego.
Aínda que o prato forte se serve en Ourense, o Entroido expándese por toda a xeografía galega, enchendo as cidades, vilas e aldeas de cor e creatividade e coándose nas casas e na gastronomía típica destas datas, onde o lacón con grelos non pode faltar, igual cás filloas e as orellas, sobremesas típicas case obrigatorias.
E é que as sobremesas de Entroido son sen dúbida as máis divertidas do ano. Como preparar un cóctel que estea á altura? Deixámosche a receita do noso cóctel con máis troula, que para os galegos significa festa, pero cun compoñente de tolemia. Creado polo cocteleiro Jonathan Sánchez do local La Carmen, reflicte na súa esencia os días de festa sen fin que se viven en Galicia durante o Entroido. Toma nota.
Fotografía de Alberto Yebra
Cóctel Maruxaina
Ingredientes:
5 cl de xenebra Nordés
1/2 lima
25 cl de zume de laranxa
20 cl de clara de ovo
Top de soda de loureiro
Caldo de berberechos
Viño albariño para crear a escuma
Botamos os ingredientes na cocteleira e axitámola durante un minuto. Vertemos suavemente o noso cóctel nunha copa previamente arrefriada. Unha vez servido, podemos pasar a decorar o noso cóctel Maruxaina. Para iso, perfumamos a copa con auga de mar e caldo de berberechos. Por último, engadiremos a un sifón, arrefriado previamente, viño albariño para crearmos a escuma que cubrirá bebida. Para rematar, presentaremos o noso cóctel cun espeto de uvas e un par de follas de loureiro. Pon o disfrace e xa está, listo para gozar!
